इजरायलद्वारा गाजामा आक्रमणलाई तीव्रता, १२० स्थानमा आक्रमण
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ जेठ १ गते
![इजरायलद्वारा गाजामा आक्रमणलाई तीव्रता, १२० स्थानमा आक्रमण](https://www.makalukhabar.com/wp-content/uploads/2024/05/isrial-gaja-mk.png)
एजेन्सी । इजरायली सेनाले गाजापट्टीमा उत्तरदेखि दक्षिणसम्म आफ्नो आक्रमणलाई तीव्र पारेको जनाएको छ । रफाह सहरका १२० क्षेत्रहरूमा, गाजा सहरको जबलिया र जेटोनका छिमेकीहरूलाई निशाना बनाएको बताइएको छ ।
सेनाले रफाहमा उग्रवादी पूर्वाधारहरू विरुद्ध अभियान सञ्चालन गरिरहेको बताएको छ । संयुक्त राष्ट्र संघले गरेको अध्ययन अनुसार इजरायलको आक्रमणका कारण ३ लाख मानिस गाजापट्टीबाट विस्थापित भएका छन् ।
गाजा पट्टीमा शनिवारदेखि हालसम्म ११ जना सैनिक घाइते भएको सेनाले जनाएको छ । तीमध्ये पाँच सैनिक र सेनाका एक अतिरिक्त नागरिक कर्मचारी गम्भीर घाइते भएका छन् । बाँकीलाई सामान्य चोट लागेको छ ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ जेठ १ गते
प्रतिक्रिया
सम्बन्धित