सुनील पौडेललाई ९ वर्ष कैद र करिब ४६ करोड ५४ लाख रुपैयाँ असुल गरिने
मकालु खबर
२०८१ वैशाख २५ गते
विशेष अदालतले नेशनल पेमेन्ट गेटवेमा भ्रष्टाचार भएको ठहर गर्दै नेपाल टेलिकमका तत्कालीन प्रबन्ध निर्देशक सुनील पौडेललाई ९ वर्ष कैद सजायको फैसला गरेको छ।
पौडेललाई अदालतले बिगो, जरिवाना र कैद हुने फैसला सुनाएको हो। विशेष अदालतबाट वैशाख ७ गते भ्रष्टचार मुद्दामा दोषी ठहर गरे पनि सजाय निर्धारण हुन बाँकी थियो।
मंगलबार विशेषका न्यायाधीशद्वय टेकनारायण कुँवर र मुरारीबाबु श्रेष्ठको इजलासले पौडेललाई २३ करोड २७ लाख ५८ हजार रुपैयाँ बिगो र सोही बराबर जरिवाना हुने ठहर गरेको छ । अब उनीबाट करिब ४६ करोड ५४ लाख रुपैयाँ असुल गरिनेछ ।
पौडेलविरुद्ध अख्तियारले दायर गरेको अकुत सम्पत्ति आर्जनको मुद्दामा भने फैसला हुन बाँकी छ।
मकालु खबर
२०८१ वैशाख २५ गते
प्रतिक्रिया
सम्बन्धित