बिहेभोज खान गएका बालक बेपत्ता, खोजी गरिदिन परिवारको आग्रह
मकालु खबर
काठमाडौँ । बिहीबार दिउँसोदेखि एक बालक बेपत्ता भएका छन् ।
धरान ८ घरबाट बिहेभोज खान मावली गएका उक्त बालक इलामको रोङ गाउँपालिका २ दुदे स्थित मावलीबाट बेपत्ता बनेका हुन् ।
परिवारले इलामस्थित पशुपति क्षेत्रका नाका, झापा जिल्ला विशेष पूर्वी क्षेत्रमा बालक अपहरण गरी लुकाइएको हुनसक्ने दाबी छ । साथै पूर्वी नाकामा विशेष खोजतलास गरिदिन प्रहरीलाई आग्रह पनि गरेको छ ।
गाउँलेका अनुसार मावली काकी हजुरआमा पर्नेले पसल लान्छु भनेर ती बालकलाई लगेका थिए । करिब डेढ घण्टाको अन्तरालमा बालक उनको साथमा नरहेको खबर गाउँलेले बालकको आमालाई जानकारी दिएको थियो ।
उनको खोजीमा प्रहरीले तत्काल तालिम प्राप्त कुकुर समेत लगेको थियो तर गाउँले, परिवार र प्रहरीले खोजतलास गर्दा समेत उनी फेला परेका छैनन् ।
प्रहरीले घटना शङ्कास्पद देखिएकाले ती महिलालाई पक्राउ गरेको छ ।
बालक फेला परेमा ९८१४३७४८६२ नम्बरमा सम्पर्क गरिदिन परिवारले आग्रह गरेको छ ।
मकालु खबर
