प्रहरीको गोली लागेका थप एक युवकको मृत्यु(अपडेट)
मकालु खबर
काठमाडौं । बालकुमारी घटनामा थप एक युवकको मृत्यु भएको छ ।
प्रदर्शनका क्रममा बायाँ खुट्टाको घुँडामा गोली लागेका डोटीका २२ वर्षीय वीरेन्द्र शाहको मृत्यु भएको उपत्यका प्रहरी प्रमुख (एआईजी) दीपक थापाले जानकारी दिए ।
उनि पाटन अस्पतालमा उपचाररत थिए ।
यससंगै घटनमा मृत्यु हुनेको संख्या दुई पुगेको छ । यसअघि करिब २३ वर्षीय सुजन राउतको इमाडोलस्थित किष्ट अस्पतालमा मृत्यु भएको थियो ।
राउत बालकुमारी क्षेत्रको सडकमै लडिरहेको अवस्थामा फेला परेपछि उनलाई उपचारका लागि अस्पताल लगिएको थियो ।
ग्वार्कोमा भौतिक पूर्वाधार मन्त्रालयको गाडी जलाइएपछि अवस्था तनावग्रस्त भएको थियो ।
प्रदर्शनमा उत्रिएका युवाले सडक अवरुद्ध पार्दै सवारीसाधनमा आगजानी गरेका थिए ।
भौतिक पूर्वाधारमन्त्री प्रकाश ज्वालाको बा २ झ ५८६१ नम्बरको गाडी रोकेर उनीहरुले शुरुमा हावा खुस्काएका थिए । लगत्तै उनीहरुले गाडीमा आगजनी समेत गरेका थिए ।
मकालु खबर
