कतार पठाइदिन्छु भन्दै १ लाख ८६ हजार रुपैयाँ ठगी गर्ने व्यक्ति पक्राउ

काठमाडौँ । कतार पठाइदिन्छु भन्दै रकम ठगी गरेको अभियोगमा काठमाडौं मनमैजु बस्ने मोरङपथरी शनिश्चरे नगरपालिका–७ का ३३ वर्षीय भिम बहादुर तामाङ पक्राउ परेका छन् ।

बिहीबार दिउँसो उनलाई प्रहरीले पक्राउ गरेको हो ।

तामाङले एक महिलालाई वैदेशिक रोजगारका लागि कतार पठाई पार्लरमा मासिक ६० हजार रुपैयाँ तलबमा काम लगाइदिन्छु भन्दै प्रलोभनमा पारी पटकपटक गरी १ लाख ८६ हजार रुपैयाँ लिई सम्पर्क विहीन भएका थिए ।

उनलाई ठगी गरेको आरोपमा पक्राउ गरी उपस्थित गराउन वैदेशिक रोजगार विभागबाट पत्राचार भएपछि काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई काठमाडौं वसुन्धराबाट पक्राउ गरेको हो
।

उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल काठमाडौं पठाइएको छ ।