लिबियाद्वारा ६ सय बढी गैरकानूनी इजिप्टियन आप्रवासीहरूलाई देश निकाला

एजेन्सी । लिबियाले ६ सय भन्दा बढी गैरकानूनी इजिप्टियन आप्रवासीहरूलाई देश निकाला गरेको छ । लिबियाको अवैध आप्रवासन नियन्त्रण विभागले सोमवार ६०० भन्दा बढी गैरकानूनी इजिप्टियन आप्रवासीहरूलाई आफ्नो देशबाट निर्वासित गरेको हो ।

कुनै कानूनी प्रक्रिया बिना लिबिया प्रवेश गरेका इजिप्शियन नागरिकलाई देश निकाला गरेको एक अधिकारीले बताए । लिबियामा इजिप्टको दुतावासको समन्वयमा आप्रवासीहरूलाई ओभरल्याण्ड पठाइएको थियो ।

२०२१ मा दिवंगत नेता मुअम्मर गद्दाफीको शासनको पतनपछि देशमा असुरक्षा र अराजकताको कारण, धेरै आप्रवासीहरू, धेरैजसो अफ्रिकीहरू, लिबियाबाट भूमध्यसागर पार गरेर युरोपेली किनारहरूमा आइ बसेका थिए । इन्टरनेशनल अर्गनाइजेसन फर माइग्रेसन (आईओएम) का अनुसार लिबियाले यस वर्षको मेदेखि जुनसम्म ७ लाखभन्दा बढी अवैध आप्रवासीलाई सम्बोधन गरेको थियो । जसमध्ये ७९ प्रतिशत पुरुष, ११ प्रतिशत महिला र १० प्रतिशत बालबालिका रहेका छन् ।