भक्तपुरमा गाडीको ठक्करबाट बालिकाको मृत्य

काठमाडौँ । भक्तपुरमा गाडीको ठक्करबाट ४ वर्षीया आदितीको मृत्यु भएको छ।

भारत मोतिहारी घर भई सोही नगरपालिका–७ कमेरेटार डेरा गरी बस्ने गुड्डुलाल साहकी छोरी ४ वर्षीया आदितीको आइतबार बिहान मृत्यु भएको प्रहरीले जनाएको छ।

डेरा अगाडि खेलिरहेको अवस्थामा मध्यपुरठिमी नगरपालिका–७ कमेरेटारस्थित सडकमा बा.२० च ३०३१ नम्बरको गाडीले ठक्कर दिँदा गम्भीर घाइते भएको उनको मध्यपुर अस्पताल ठिमीमा उपचारको क्रममा मृत्यु भएको हो।

गाडी चालकलाई प्रहरीले नियन्त्रणमा लिएको छ।

दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।