एकदिवसीय क्रिकेट विश्वकमा अफगानिस्तानले भारतलाई दियो २ सय ७३ रनको लक्ष्य
मकालु खबर २०८० असोज २४ गते
काठमाडौँ । आईसीसी एकदिवसीय क्रिकेट विश्वकमा अफगानिस्तानले भारतलाई २ सय ७३ रनको लक्ष्य दिएको छ ।
दिल्लीको अरुण जेट्ली स्टेडियममा टस जितेर ब्याटिङ गरेको अफगानिस्तानले निर्धारित ५० ओभरमा ८ विकेट गुमाएर २ सय ७२ रन बनायो ।
अफगानिस्तानका हश्मतुल्लाह शाहिदीले सर्वाधिक ८० रन बनाए ।
यस्तै अजमतुल्लाह ओमरजाईले ६२ रन जोडे । बलिङतर्फ भारतका जसप्रीत बुमराहले ४ र हार्दिक पान्ड्याले २ विकेट लिए ।
दुवै टोलीको यो दोस्रो खेल हो । भारतले पहिलो खेलमा अस्ट्रेलियालाई हराउँदै अफगानिस्तान बङ्गलादेशसँग पराजित भएको थियो ।
भारत एक खेलमा दुई अङ्कसहित तालिकाको चौथो स्थानमा छ भने अफगानिस्तान १ खेलमा अङ्कविहीन हुँदै नवौँ स्थानमा छ ।
मकालु खबर २०८० असोज २४ गते
प्रतिक्रिया
सम्बन्धित
