क्यान निर्वाचनमा बागमतीबाट पारस खड्कासहित ३ प्रतिनिधि छनौट
बागमती प्रदेश क्रिकेट संघले नेपाल क्रिकेट संघ (क्यान) को केन्द्रीय निर्वाचनका लागि अध्यक्ष पारस खड्कासहित ३ जनालाई प्रतिनिधि पठाउने भएको छ।
शनिबार बसेको संघको बोर्ड बैठकले काठमाडौंका पारस खड्का, ललितपुरका शेखर श्रेष्ठ र मकवानपुरका प्रेमबहादुर क्षेत्रीलाई प्रतिनिधि पठाउने निर्णय गरेको हो।
बैठकले बागमती प्रदेश क्रिकेट संघको क्रिकेट निर्देशकमा अनिल अधिकारीलाई र महिला क्रिकेट संयोजकमा निरा राजोपाध्यायलाई नियुक्त गर्ने निर्णय पनि गरेको छ।
त्यस्तै प्रदेशिक क्रिकेट सञ्चालनका पाँच वटा समिति गठन गरेको छ । आर्थिक समितिमा पारस खड्का, प्रसन्न शाक्य र संजोग पोखरेल रहेका छन् ।
प्राविधिक समितिमा बसन्तराज सत्याल संयोजक सुजन महर्जन, नीरा राजोपाध्याय, राजु खड्का, विनोद बानियाँ, सुरज शाक्य र रिकेश लामा सदस्य रहेका छन् ।
विकास समितिमा अनुजमान श्रेष्ठ, धिरज श्रेष्ठ र अरु तीन जना सदस्य छन् । कार्यक्रम समितिमा अजयवीर पाण्डे संयोजक, अनुजमान श्रेष्ठ, प्रेमबहादुर क्षेत्री, सञ्जय बस्नेत र सुजन महर्जन सदस्य छन् ।
खेलाडी छनोट समिति भने अर्को बोर्ड बैठकमा गठन गर्ने निर्णय छ