सन्दीप लामिछानेको बरियतामा सुधार
मकालु खबर
२०८० असार २० गते
नेपाली राष्ट्रिय क्रिकेट टोलीका बलर सन्दीप लामिछानेको एकदिवसीय अन्तराष्ट्रिय (ओडिआई) तर्फको बलिङ वरीयतामा सुधार भएको छ ।
अन्तर्राष्ट्रिय क्रिकेट परिषद् (आईसीसी) ले सार्वजनिक गरेको नयाँ वरीयतामा सन्दीप एक स्थान माथि उक्लिएका छन्।
एक स्थान वरीयता सुधार गरेका सन्दीप २४ औं स्थानमा रहेका छन् ।
बलिङ तर्फ नै सोमपाल कामी २ स्थान खस्किएर ७८ औं स्थानमा रहँदा दीपेन्द्र सिंह ऐरी ५ स्थान तल झरेर ६२ औं स्थानमा रहेका छन्।
अर्का तीव्र गति बलर करण केसी भने २ स्थान सुधार गर्दै ८७ औं स्थानमा रहेका छन् ।
ब्याटिङ तर्फ भने नेपाली राष्ट्रिय क्रिकेट टोलीका कप्तान रोहितकुमार पौडेल १ स्थान खस्किएका छन् ।
नयाँ वरीयतामा रोहित ७३ औं स्थानमा रहेका छन् । ब्याटिङतर्फ नै ओपनर ब्याटर आसिफ शेख ४ स्थान खस्किएर ७७ औं स्थानमा रहेका छन् ।
मकालु खबर
२०८० असार २० गते
प्रतिक्रिया
सम्बन्धित