युवा नेता अधिकारी तरुण दल केन्द्रीय कार्यसमिति सदस्यमा मनोनीत

काठमाडौँ । नेपाली काँग्रेसका युवा नेता युवराज अधिकारी तरुण दल केन्द्रीय कार्यसमितिको सदस्यमा मनोनीत भएका छन् । पार्टी सभापति शेरबहादुर देउवाले अधिकारीसहित ४ सय जनालाई केन्द्रीय सदस्यमा मनोनीत गरेका हुन् ।

योसँगै विद्धान गुरुङ अध्यक्ष रहेको तरुण दलले पूर्णता पाएको हो । युवामाझ लोकप्रिय रहेका अधिकारी लुम्बिनी प्रदेशको बर्दियाबाट केन्द्रीय कार्यसमिति सदस्यमा मनोनीत भएका हुन् ।  काँग्रेस पार्टीको १४ औँ महाधिवेशनको महाधिवेशन प्रतिनिधि भइसकेका उनी नेपाली जनसम्पर्क समिति जापानको सहमहामन्त्री पनि हुन् ।