नेपाललाई चौथो सफलता, दीपेन्द्रले गरे पुरनलाई आउट

काठमाडौं । जिम्बावेमा जारी रहेको आइसीसी एकदिवसीय विश्वकप छनोटमा वेस्ट इन्डिजविरुद्ध नेपालले चौथो सफलता पाएको छ ।

नेपालका लागि दीपेन्द्रसिंह ऐरीले निकोलस पुरनको विकेट लिएका हुन् ।

ऐरीले नेपालको ४३ ओभरको अन्तिम बलमा पुरनलाई आउट गराएका हुन् । पुरनले ९४ बलमा १ सय १५ रन बनाएका थिए ।

करण केसीले पहिलो विकेटका रुपमा कैल मेयर्स लाई आउट गरेका थिए । गुलसन झाले दोस्रो विकेट लिएका थिए ।

गुलसनले जोनसन चाल्र्सलाई आउट गराएका थिए । तेस्रो विकेटका रुपमा सन्दीप लामिछानेले ब्रान्डन किंगलाई आउट गरेका थिए ।

क्रिजमा अहिले कप्तान शाई होप र रोभमेन पावेल रहेका छन् ।

वेस्ट इन्डिजले अहिले ४४ दशमलब २ ओभरमा ४ विकेट गुमाएर २ सय ७६ रन बनाएको छ ।