विश्वकप छनोटअघि नेपालले दुई टिमसँग खेल्ने
मकालु खबर
जिम्बावेमा आगामी महिना हुने आइसिसी विश्वकप क्रिकेट छनोट अघि नेपालले दुई वटा ‘वार्म अप’ खेल खेल्ने भएको छ।
नेपाल क्रिकेट संघ क्यानले नेपालले युएई र ओमानसँग वार्म अप खेल खेल्ने जानकारी दिएको हो। यी दुबै समूह एकदिवसीय मान्यता प्राप्त हुन्।
यी दुबै खेल जिम्बावेमै हुनेछन्।
जिम्बावेको राजधानी हरारेमा नेपालले ३० जेठमा युएई र ३२ जेठमा ओमानसँग खेल्नेछ।
विश्वकप छनौटमा पहिलो खेल नेपालले आयोजक जिम्बावेसँग असार ३ गते खेल्ने छ।
द्घाटन खेलमा आयोजक जिम्बावे र नेपाल भिड्ने भएका छन्। उद्घाटनको दिन दुई खेल रहेको छ ।
नेपालले दोस्रो खेलमा असार ५ गते अमेरिकासँग र तेस्रो खेल वेस्ट इन्डिजसँग असार ७ गते खेल्ने तालिका रहेको छ । नेपालले समूह चरणको अन्तिम खेल असार ९ गते नेदरल्याण्डससँग खेल्नेछ ।
जिम्बावेविरुद्ध असार ३ गते हुने खेल टेस्ट राष्ट्रविरुद्ध नेपालको पहिलो एकदिवसीय अन्तर्राष्ट्रिय मान्यता प्राप्त खेल पनि हुनेछ। विश्वकप छनौटमा दश राष्ट्रको सहभागीता रहने छ। सहभागी दश टोलीलाई दुई समूहमा विभाजन गरिएको छ ।
समूह ए मा नेपाल र आयोजक जिम्बावे सहित वेस्ट इन्डिज, , नेदरल्यान्ड्स र अमेरिका रहेका छन्। समूह बी मा श्रीलंका,आयरल्यान्ड,स्कटल्याण्ड,ओमान र युएई रहेका छन्।
समूह चरणमा प्रत्येक राष्ट्र चार खेल खेल्नेछन्। आआफ्नो समूहका शीर्ष ३ टोलीहरु सुपर सिक्समा प्रवेश गर्नेछन्। सुपर सिक्समा एक समूहका टोलीले अर्को समूहका टोलीसँग प्रतिस्पर्धा गर्नेछन्।
सुपर सिक्सको शीर्ष दुईमा रहने टोली अक्टोबरमा भारतमा हुने आइसीसी एकदिवसीय विश्वकपमा छनोट हुनेछन्।
मकालु खबर
