देउवालाई गगनले भने– उम्मेदवारी फिर्ता लिने ऐतिहासिक निर्णय गर्नुस्

काठमाडौँ। नेपाली कांग्रेसका महामन्त्री एवं संसदीय दलको नेताका उम्मेदवार गगन थापाले पार्टी सभापति तथा संसदीय दलका नेताका उम्मेदवार शेरबहादुर देउवालाई उम्मेदवारी फिर्ता लिन आग्रह गरेका छन् ।

सिंहदरबारस्थित कांग्रेस संसदीय दलको कार्यालयमा उम्मेदवारी दर्ता गरेपछि सञ्चारकर्मीहरुलाई प्रतिक्रिया दिँदै थापाले यस्तो आग्रह गरेका हुन् ।

उनले शान्त मनले सोच्न र आफ्नो उम्मेदवारी फिर्ता लिने ऐतिहासिक निर्णय लिन सभापति देउवालाई आग्रह गरे । ‘वरिष्ठ नेता रामचन्द्र पौडेललाई कांग्रेसको भविष्यप्रति चिन्ता गरेर परिवर्तनको सन्देश मनन गर्न आग्रह गर्दछु,’ उनले भने, ‘हामी सरकारको नेतृत्व गर्छौं र सरकारले काम नै गरेर अर्को चुनावमा पार्टीलाई सबै भन्दा ठूलो दल बनाउँछौँ । पार्टी बदल्छौँ, देश पनि बदल्छौँ ।