रविन्द्र मिश्रकाे चुनाव खर्च साढे २४ लाख
काठमाडौँ । काठमाडौँ क्षेत्र नम्बर १ बाट प्रतिनिधि सभा सदस्यका लागि उम्मेदवार बनेका रवीन्द्र मिश्रले आफ्नो चुनावी खर्च सार्वजनिक गरेका छन् । राप्रपाबाट उम्मेदवारी दिएका उनले आफ्नो चुनावी खर्च साढे २४ लाख रुपैयाँ भएको जानकारी दिएका छन् । मंगलबार एक प्रेस विज्ञप्ती जारी गर्दै उनले चुनावमा भएको खर्चको जानकारी दिएका हुन् ।
उनी कांग्रेस नेता प्रकाशमान सिंहसँग पराजित भएका थिए ।
निर्वाचन आयोगले काठमाडौँ १ मा २५ लाख रुपैयाँसम्म चुनावी खर्च गर्न पाउने सीमा तोकेको थियो ।
चुनावका लागि उनलाई चन्दा सहयोग प्राप्त भएको जनाएको छ । खर्चको सीमासम्को रकम संकलन भएपछि उनले अब सहयोग नगर्न अपिल गरेका थिए । तर, त्यसपछि पनि रकम आएर ३३ लाख रुपैयाँ जम्मा भएको र बाँकी ८ लाख रकम काठमाडौँ क्षेत्र नम्बर १ सरोकार कोषमा राख्ने जनाएका छन् ।
प्रेस विज्ञप्ति: मेरो निर्वाचन खर्च रू साढे २४ लाख
(प्रकाशन तथा प्रसारणका लागि)
हालै सम्पन्न निर्वाचनमा मैले काठमाडौँ क्षेत्र नं एकबाट प्रतिनिधिसभा सदस्यका लागि प्रतिष्पर्धा गर्ने क्रममा २४ लाख ४९ हजार ६०७ रूपैयाँ खर्च भएको विवरण आज निर्वाचन आयोग समक्ष पेश गरेको छु।++ pic.twitter.com/vWgQhgXOsS— Rabindra Mishra (@RabindraMishra) December 6, 2022