गण्डकीमा ३४ सीट टुंगियोः कांग्रेस १६, एमाले १२ सीटमा विजयी (सूचीसहित)
पोखरा । गण्डकीमा प्रदेश सभातर्फ प्रत्यक्षको ३४ सीटको नतिजा आएको छ । स्याङजा २ निर्वाचन क्षेत्रको गन्न बाँकी छ । ३६ निर्वाचन क्षेत्र मध्ये कांग्रेसले १६ सीट जित्दै पहिलो स्थानमा छ ।
एमालेले १२ सिट जित्दा माओवादीले ५ सिटमा विजय हासिल गरेको छ । मनाङको एक सिटमा स्वतन्त्रले जितेका छन् । कांग्रेसले गोरखा १ (ख), गोरखा २ (ख), बागलुङका ४ वटा निर्वाचन क्षेत्र, मुस्ताङका दुवै निर्वाचन क्षेत्र, तनहुँ १ (क), तनहुँ २ (ख), मनाङ १ (क) मा जितेको हो । यसैगरी कास्की २ (ख), ३(ख), नवलवुर १ (क), लमजुङका दुवै क्षेत्रमा विजय हासिल गरेको छ ।
एमालेले नवलपुर १ को (ख), २ (क) र (ख), कास्की १ (क), १(ख), २ (क) र ३ (क) तथा तनहुँ २ (क) मा चुनाव जितेको छ । पर्वतका दुवै क्षेत्रमा एमालेले जित निकालेको छ । स्याङ्जा १ (क) र १ (ख) मा पनि एमालेले जितेको छ । माओवादीले गोरखा १ (क) र २ (क) तथा म्याग्दीका दुवै क्षेत्रमा जीत निकालेको छ ।
तनहुँका १ (ख) मा पनि माओवादी विजयी भएको छ । मनाङ (ख) मा भने राजीव गुरुङ उर्फ दीपक मनाङे सर्वसम्मत निर्वाचित भएका थिए । स्याङजाका २ क्षेत्रमा गणना नै सुरु भएको छैन । यहाँको गणना गर्ने कि पुनः मतदान गर्ने भन्ने टुंगो लागेको छैन ।
हेर्नुस् सूची
