भक्तपुरको सल्लाघारीमा कार र बाइक ठोक्किँदा एकको मृत्यु

काठमाडाैँ । भक्तपुरमा कार र बाइक ठोक्किँदा एक जनाको मृत्यु भएको छ। शनिबार बेलुकी सल्लाघारीमा बाइक र कार ठोक्किँदा काभ्रे पाँचखाल नगरपालिकाका सन्दीप बस्नेतको मृत्यु भएको हाे ।

जिल्ला प्रहरी परिसर भक्तपुरका प्रहरी नायब उपरीक्षक राजु पाण्डेका अनुसार बा ६ च ८१५ नम्बरको कार कोटेश्वरबाट सल्लाघारी जाँदै थियो । त्यस्तै बा २८ प ७३९२ नम्बरको बाइक भक्तपुरबाट फर्किंदै थियो ।

‘बस्नेतको उपचारको क्रममा इवामुरा अस्पतालमा मृत्यु भएको हो’, उनले भने । चालकलाई कारसहित नियन्त्रणमा लिएको प्रहरीले जनाएको छ ।