चितवनमा भोलि गठबन्धनको सभा, २८ गते ओलीले काउन्टर दिने

चितवन । सत्तारुढ गठबन्धनले चितवनमा शनिबार भोलि चुनावी सभाको आयोजना गरेको छ । जिल्ला प्रहरी कार्यालयअगाडिको गेष्ट हाउस चौरमा दिउँसो १२ बजेबाट चुनावी सभा सुरु हुने नेपाली कांग्रेसका उपसभापति राजिव न्यौपानेले जानकारी दिए ।

उनका अनुसार सभामा नेपाली कांग्रेसका सभापति तथा प्रधानमन्त्री शेरबहादुर देउवा, एकीकृत समाजवादीका अध्यक्ष माधवकुमार नेपाल, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लगायतका नेताहरुले संवोधन गर्नेछन् ।

कार्तिक २८ गते नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले सोही ठाउँबाट सत्तारुढ गठबन्धनको संबोधनको काउन्टर गर्ने भएका छन् । नेकपा एमाले चितवनले २८ गते ओली चुनावी सभाको लागि चितवन आउने भएका छन् ।

एमाले चितवनका अध्यक्ष रामप्रसाद न्यौपानेका अनुसार गठबन्धनले संबोधन गरेकै ठाउँबाट अध्यक्ष ओलीले काउन्टर दिनेछन् ।

एमालेको सभा पनि जिल्ला प्रहरी कार्यालय अगाडिको गेष्ट हाउस चौरमा हुनेछ । । बिहान ११ बजेदेखि हुने भनिएको सभामा अध्यक्ष ओलीसहित एमालेका शीर्ष नेताहरुको सहभागी हुने बताइएको छ ।