असनकाे फुटपाथ खाली गर्दै महानगर

काठमाडौँ । काठमाडौँ महानगरपालिकाले असन क्षेत्रका फुटपाथ खाली गर्न थालेकाे छ ।

लामाे समयदेखि अव्यवस्थित तथा अवैधरूपमा यस क्षेत्रमा सञ्चालन भइरहेकाे विभिन्न व्यापार, पार्किङ तथा अन्य संरचना महानगरले मंगलवारदेखि हटाउन थालेकाे हाे ।

असन क्षेत्रकाे फुटपाथमा लामाे समयदेखि भाँडाकुँडा, क्रिष्टलका सामग्री, खेलौना पसल, फेन्सीका सामान, माटाका सामग्री हटाउन भने महानगरले भाेलिसम्मकाे समय दिएकाे छ ।

असनका साँघुरा गल्लीका दुबैतिरको फुटपाथमा पसल राखिएपछि आउजाउमा समस्या हुने गरेकाे छ ।