कञ्चन पत्रकारिता पुरस्कार अमात्य र गुरुङलाई
मकालु खबर
२०७९ साउन २३ गते
पोखरा । नेपाल आदिवासी जनजाति पत्रकार महासंघ (फोनिज), गण्डकीले सञ्चालन गर्दै आएको कन्चन पत्रकारिता पुरस्कार यो वर्ष उदयबहादुर अमात्य र आश गुरुङलाई प्रदान गरिने भएको छ । प्रतिभा छनोट समितिको बैठकले २ जनालाई पुरस्कार दिन निर्णय गरेको हो ।
पुरस्कार राशि जनही २५ हजार र सम्मानपत्र छ । पुरस्कृत हुने अमात्य नेपाल भाषा मासिक पत्रिका पोखरायाः भिन्तुनाका प्रकाशक तथा प्रधान सम्पादक हुन् । गुरुङ कान्तिपुर दैनिकका लागि लमजुङबाट काम गर्छन् । उनीहरूलाई साउन २७ मा पोखरामा हुने एक समारोहकाबीच पुरस्कृत गरिने फोनिज गण्डकीका अध्यक्ष रुद्र श्रीसले जानकारी दिए ।
व्यवसायी बिमलमान गुभाजु र उनका परिवारले आफ्ना स्व. बाबुआमा वेदमान गुभाजु र नेत्रकुमारी गुभाजुको स्मृतिमा पुरस्कार स्थापना गरेका हुन् ।
मकालु खबर
२०७९ साउन २३ गते
प्रतिक्रिया
सम्बन्धित