काठमाडौँमा युवकमाथि छुरा प्रहार, आरोपित पक्राउ
मकालु खबर २०७९ असार २८ गते
काठमाडौँ । जिल्लाकाे कागेश्वरी मनोहरा नगरपालिका–५ मा युवकमाथि छुरा प्रहार गरेकाे आरोपमा १ जना पक्राउ परेका छन् ।
पक्राउ पर्नेमा सिन्धुपाल्चोकको तातोपानी नगरपालिका–४ का २७ वर्षीय दिपेश शाक्य रहेकाे प्रहरीले जनाएकाे छ ।
उनले असार २५ गते थलीमा सिन्धुपाल्चोकको साँगाचोकगढीका २५ वर्षीय राजन श्रेष्ठको पेटमा छुरा प्रहार गरेकाे प्रहरीकाे भनाइ छ ।
उनकाे साथबाट छुरासमेत बरामद भएकाे छ । शाक्यविरुद्ध ज्यान मार्ने उद्योगको कसुरमा जिल्ला अदालत काठमाडौंबाट ४ दिनको म्याद लिएर अनुसन्धान अघि बढाइएको छ ।
मकालु खबर २०७९ असार २८ गते
प्रतिक्रिया
सम्बन्धित
