भ्रातृसंस्थाले तत्काल पूर्णता पाउनुपर्ने भन्दै सानेपामा कांग्रेस शीर्ष नेतृत्वविरुद्ध नाराबाजी
मकालु खबर
काठमाडौँ । भातृसंस्थाको तत्काल वैज्ञानिक पूर्णता हुनुपर्ने भन्दै नेपाली कांग्रेसका भातृसंस्थाहरुले सोमबार पार्टी कार्यालय सानेपामा विरोध प्रदर्शन गरेका छन् ।
केन्द्रीय समितिको बैठकका लागि नेताहरू पार्टी कार्यालय पुग्ने क्रममा नेविसंघ, तरुण दल लगायत भातृसंस्थाले विधान कार्यान्वयनका लागि दबाब दिन भन्दै प्रदर्शन गरेका हुन् ।
शेखर कोइराला पक्षले गरेको विरोध प्रदर्शनमा सभापतिज्यूले पार्टी चलाउनुहोस्, नेविसंघ हामी आफै चलाउँछौ, विधानलाई मान्ने कि व्यक्तिलाई मान्ने, भातृसंस्था कांग्रेसलाई आवश्यक छ कि छैन लगायतका नारा लगाइएको थियो ।
बैठक स्थलमा सभापति शेरबहादुर देउवा पुगे लगत्तै कार्यकर्ताहरूले नाराबाजीसहित गाडी रोक्न खोज्दा प्रहरीले हस्तक्षेप गरेको थियो । सो क्रममा प्रहरी र प्रदर्शनकारीबिच घम्साघम्सी भएको थियो ।
भ्रातृ संस्था बिना कुनै हस्तक्षेप पूर्णता दिनुपर्ने र पार्टीको विधान लागू गर्नुपर्ने भन्दै उनीहरू प्रदर्शनमा उत्रिएका थिए ।
मकालु खबर
