यी २० जिल्लामा ठूलो वर्षा, उच्च सतर्कता अपनाउन आग्रह
मकालु खबर
२०७९ असार १५ गते
काठमाडौँ । देशभरका धेरै स्थानमा वर्षा भइरहेको छ । आज देशका धेरै स्थानमा मेघ गर्जन/चट्याङसहित वर्षाको सम्भावना छ ।
जल तथा मौसम विज्ञान विभागको बाढी पूर्वानुमान महाशाखाकाअनुसार गएराती देशका विभिन्न क्षेत्रमा वर्षा भएको छ । ठूलो वर्षाका कारण हुनसक्ने सम्भावित जोखिम कम गर्नका लागि विशेष सतर्कता अपनाउन महाशाखाले आग्रह गरेको छ ।
पछिल्लो ३ घण्टामा कास्की, स्याङ्जा, पाल्पा, कपिलवस्तु, रुपन्देही, अर्घाखाँची, नवलपरासी, प्युठान, दाङ, बाँके, कैलाली कञ्चनपुर, रुकुम, जाजरकोट, सुर्खेत, बारा, रौतहट, महोत्तरी, सर्लाही, काठमाडौँ र आसपास धेरै स्थानमा ठुलो वर्षा भएको महाशाखा तथ्याङ्क छ ।
थप वर्षा हुने भएकाले ती जिल्लामा बहने साना नदीमा आकस्मिक बहावको उच्च सम्भावना रहेको छ । तटीय क्षेत्रमा अर्को ६ घण्टा उच्च सतर्कता अपनाउन महाशाखाको आग्रह छ ।
मकालु खबर
२०७९ असार १५ गते
प्रतिक्रिया
सम्बन्धित