काठमाडौँ महानगरमा पुनः सडक सफाइ कार्य शुरूः ५ ब्रुमर सञ्चालित, बिहीबार ४ वटा थपिने

काठमाडौँ । काठमाडौँ महानगरपालिकामा हाल सडक सफाइका लागि पाँचवटा ब्रुमरहरू सञ्चालन भएका छन् ।

महानगरपालिकाका प्रमुख बालेन्द्र शाहले निष्क्रिय भएर बसेका ब्रुमरहरूलाई पुनः सञ्चालन गरिएको बताएका छन् । उनले भने, ‘सानातिना मर्मतलगायतका कामहरू पनि नभएर लगभग निष्क्रिय भएर बसेका ब्रुमरहरुको मर्मत भएर काम शुरू हुन थालेका छन् । आजदेखि ५ वटा ब्रुमरले काठमाडौँ सफाइ गर्न थालेका छन्।’ साथै, बिहीबारदेखि ४ वटा ब्रुमरहरू थपेर ९ वटा ब्रुमरहरूले नियमित सफा गरिने उनले बताए ।