जिसस दैलेखको प्रमुखमा स्वतन्त्रका नमराज शाही विजयी
मकालु खबर २०७९ जेठ २६ गते
सुर्खेत । जिल्ला समन्वय समिति दैलेखको निर्वाचनबाट प्रमुख पदमा स्वतन्त्रका उम्मेदवार नमराज शाही विजयी भएका छन् ।
नेपाली कांग्रेसका जिल्ला उपसभापति समेत रहेका शाहीलाई नेकपा एमालेले निर्वाचनमा सघाएको थियो ।
एमालेसँग १० मत मात्रै भए पनि शाही १३ मत ल्याएर विजयी भएका हुन् । उनले निर्वाचन आयोगबाट खरायो चिन्ह प्राप्त गरेका थिए ।
गठबन्धनका तर्फबाट नेपाली कांग्रेसकी दुर्गा श्रेष्ठ ९ मत प्राप्त गरेकी छन् ।
उपप्रमुखमा एमालेका केशवबहादुर शाही विजयी भएका छन् । उनले ११ मत ल्याउँदा उपप्रमुखमा नेकपा एकीकृत समाजवादीकी शान्ति शाहीले १० मत पाएकी छिन् ।
मकालु खबर २०७९ जेठ २६ गते
प्रतिक्रिया
सम्बन्धित
