दाङको तुलसीपुर उपमहानगरमा एमाले विजयी

काठमाडौँ । दाङको तुलसीपुर उपमहानगरपालिकाको प्रमुख र उपप्रमुख दुवै पदमा नेकपा एमाले विजयी भएको छ।

दाङको तुलसीपुरमा सत्तारूढ गठबन्धनलाई हराउँदै नेकपा एमालेले दुवै मेयर र उपमेयर पद जितेको हो । उपमहानगरको मेयरमा टीकाराम खड्का र उपमेयरमा स्यानी चौधरी विजयी भएका हुन् । मेयरमा खड्काले गठबन्धनबाट उम्मेदवार बनेका कांग्रेसका गेहेन्द्र गिरीलाई हराएका हुन् । खड्काले ३१४०८ मत ल्याउँदा गिरिले २७७१६ मत पाएका छन् ।

उपमेयरमा चौधरीले ३०५९७ मत ल्याएर विजयी हुँदा उनका निकटतम प्रतिद्वन्द्वी नेकपा एकीकृत समाजवादीका जोगबहादुर राना मगरले २१०६५ मत पाएका छन्।

अघिल्लो  निर्वाचनमा पनि तुलसीपुरमा एमाले नै विजयी भएको थियो।