बालेनलाई ४४ हजार मत, सिर्जना र केशवको मतान्तर कति ?

काठमाडौँ । काठमाडौँ महानगरपालिकाको मेयरमा स्वतन्त्र उम्मेदवार बालेन्द्र साहले अग्रस्थान कायम गरिरहँदा दोस्रो स्थानमा तीव्र प्रतिस्पर्धा छ ।

पछिल्लो मतपरिणामअनुसार कांग्रेसकी उम्मेदवार सिर्जना सिंहले दोस्रो स्थानमा कायम छन् । सिर्जनाको २५८३५ मत आएको छ भने स्थापितले २५०२२ मत ल्याएका छन् । सिर्जनाको मत केशवको भन्दा ८१३ मतले बढी हो ।

पहिलो स्थानमा रहेका बालेन उनीहरूभन्दा धेरै अगाडि छन् । उनको लौरो चिन्हमा ४४१८३ मत आएको छ । पछिल्लो पटक कांग्रेस र एमालेसँग बालेनको प्रतिशत मतान्तर केही कम भए पनि अग्रता निकै फराकिलो छ । बालेन र सिर्जनाको मतान्तर १८३४८ छ ।