पोखरामा मतान्तर बढाउँदै धनराज, कसको मत कति ?

काठमाडाैँ । पोखरा महानगरपालिकाको मेयर पदमा धनराज आचार्यले मतान्तर बढाउँदै लगेका छन् । गठबन्धनका तर्फबाट नेकपा एकीकृत समाजवादीका उम्मेदवार आचार्यले नेकपा एमालेका उम्मेदवार कृष्ण थापासँगको मतान्तर ३२७२ पुर्‍याएका हुन् ।

आचार्यले ३७१२२ मत प्राप्त गरेर अग्रता कायम राखेका छन् । उनलाई एमालेका कृष्ण थापाले ३३८५० मत ल्याएर पछ्याइरहेका छन् । मेयरमै राप्रपाका शंकर खरालले ४२२८ र स्वतन्त्रका अटेरी उम्मेदवार गनेस पौडेलले २४४५ मत प्राप्त गरेका छन् ।

उपमेयरमा एमालेकी मञ्जुदेवी गुरुङले ३८५७६ मतसहित अग्रता बनाएकी छन् भने कांग्रेसकी कोपिला रानाभाटले ३७५४५ मत ल्याएर पछ्याइरहेकी छन् । राप्रपाकी रञ्जना सेनले ४१३१ मत प्राप्त गरेकी छन् ।