कास्कीमा ६० प्रतिशत मत खस्यो

पोखरा । कास्कीमा यो वर्ष खासै उत्साहजनक मत खसेको छैन । अघिल्लो चुनावमा ७३ प्रतिशत भोट खसेको यहाँ अहिले ५५ देखि ६० प्रतिशत हाराहारी मात्रै मत खसेको बताएको छ । केही मतदान केन्द्रमा बढी मत खसेपनि केहीमा भने कम भएको थियो ।

मुख्य निर्वाचन अधिकृत श्रीकृष्ण भट्टराईले अघिल्लो चुनावहरुभन्दा तुलनात्मक रुपमा कम खसेको बताए ।

‘करिब ६० प्रतिशत खस्यो, अझै विवरण आउन बाँकी छ,’ उनले भने, ‘केही पालिकामा ५५ प्रतिशत जति होला । पोखरामा ६० प्रतिशत पुग्न सक्छ ।’

यहाँ २ लाख ८१ हजार मतदाता थिए ।