हट्यो लेटाङको कर्फ्यू
मकालु खबर
२०७८ चैत १० गते
काठमाडौँ । मोरङको लेटाङ नगरपालिकामा लगाइएको कर्फ्यु तीन दिनपछि हटेको छ । बिहान ६ बजेदेखि कर्फ्यु हटाइएको हो ।
बुधबार बसेको जिल्ला सुरक्षा समितिको बैठकले कर्फ्यु हटाउने निर्णय गरेको थियो । लेटाङ-५ मा स्थानीय एक शिक्षकले आफ्नै विद्यालयका छात्रालाई होलीको दिन यौन दुर्व्यवहार गरेको विषयलाई लिएर गएको आइतबार तनाव भएको थियो । आइतबार स्थानीय बासिन्दा र सुरक्षाकर्मीबीच झडप हुँदा प्रहरी जवान उर्मिला श्रेष्ठको ज्यान गएको थियो ।
यस घटनाको छानबिन गर्न प्रहरीले प्रदेश १ को प्रदेश प्रहरी कार्यालयका प्रहरी वरिष्ठ उपरीक्षक (एसएसपी) राजेन्द्र चौधरीको नेतृत्वमा छानबिन समिति गठन गरेको छ। समितिले बुधबारदेखि नै छानबिन थालेको छ।
मकालु खबर
२०७८ चैत १० गते
प्रतिक्रिया
सम्बन्धित