संखुवासभामा बस दुर्घटना, १० जनाको घटनास्थलमै मृत्यु

काठमाडौँ। संखुवासभामा बस दुर्घटना हुँदा १० जनाको घटनास्थलमै मृत्यु भएको छ । संखुवासभाबाट दमकका लागि छुटेको ४ ख ७३५ नम्बरको बस संखुवासभाको मादी नगरपालिका ६ सातघुम्ती भन्ने स्थानमा दुर्घटना हुँदा १० जनाको घटनास्थलमै मृत्यु भएको डिएसपी लालध्वज सुवेदी जानकारी दिए ।

हाल घटनास्थलमा उद्धारकार्य जारी छ । दुर्घटनाबारे विस्तृत विवरण आउन बाँकी छ ।