‘अर्ली ईलेक्सन’बारे गठबन्धन : एकीकृत समाजवादी पक्षमा, माओवादी भन्छ- ‘सम्भावना छैन’

काठमाडाैँ । अर्ली ईलेक्सनकाे विषय पुन: सतहमा आएकाे छ । आइतबार सत्ता गठबन्धनका नेताहरूले बाेलेसँगै अर्ली ईलेक्सनकाे विषय आएकाे हाे । नेताहरूले बाेलेपछि गठबन्धनभित्रै मत विभाजित भएकाे छ ।

सत्ता साझेदार दल माओवादी केन्द्रले भने अर्ली ईलेक्सनलाई ‘असम्भव’ भनेकाे छ । नेता वर्षमान पुनले भनेका छन्—  ‘सामान्यतया: हाम्राे नेपालमा २ सिजनमा निर्वाचन हुने गरेकाे छ । कात्तिक, मंसिर र चैत्र, वैशाख र जेठसम्म । हरेक ५ वर्षमा संघीय, प्रदेश र स्थानीय चुनावहरू हुने गर्छ, संवैधानिक व्यवस्था यही छ । यसरी हेर्दा अर्ली ईलेक्सनकाे सम्भावना अहिले छैन । वैशाखमा स्थानीय तहकाे निर्वाचन गर्ने भनेपछि हामीसँग समय नै हुँदैन । त्यसाे हुँदा स्वत: कात्तिक-मंसिर जान्छ । यद्यपि कानूनी रूपले, व्यवहारिक रूपले, संवैधानिक रूपले, परम्पराकाे रूपले मंसिरपछि ५ वर्ष संघीय सदन पुग्छ, त्यसपछि संसद् विघटन गर्न नमिल्ने हाेइन । तर, सम्भावना हुँदैन ।’