उदयपुर प्रहरीद्वारा ठूलो परिमाणकाे गाँजासहित ३ जनालाई पक्राउ

उदयपुर । उदयपुर प्रहरीले बेलका नगरपालिका ८ सिरुवानीबाट ठूलो परिमाणको गाँजासहित ३ जनालाई पक्राउ गरेको छ ।

पक्राउ पर्नेहरूमा बेलका नगरपालिका ८ का २७ वर्षीय गोकुल राई वडा नं ७ का २९ वर्षीय मनोज राई र सुनसरी जिल्ला बराहक्षेत्र नगरपालिका १ का २३ वर्षीय मनिष धामी रहेका छन् । बरामद गाँजाको तौल ४ सय केजी रहेको जिल्ला प्रहरी कार्यालय उदयपुरका प्रहरी उपरिक्षक सुवास चन्द्र बोहोराले जानकारी दिएका छन् ।

को १ ज २७६१ नम्बरको पिकअपमा निलो त्रिपालले छोपेर १६ बोरा गाँजा लिएर हिँडिरहेको अवस्थामा प्रहरीले उनीहरूलाई फेला पारेको हो । प्रतीबन्धीत गाँजा ओसारपसारमा संग्लन पिकअप चालक गोकुल राई स्वयम सवारी धनी रहेको बोहोराले बताए ।

प्रक्राउ परेका उनिहरूको साथ बाट प्रहरीले नगद ६३ हजार २५ रुपैयाँका साथै सामसुङ्ग कम्पनीको १ थान, रेडमी कम्पनीको २ थान र नोकिया कम्पनीको १ थान गरी ४ थान मोबाइल समेत बरामद गरेको छ । गाडीसहित फेला परेका तीनै जना अभियुक्त विरुद्ध लागूऔषध ऐन २०३३ बमोजिम अनुसन्धान शुरू गरिएको प्रहरीले जनाएको छ ।