मंगलबार शेयरबजार ७७ अंकले घट्यो
मकालु खबर
२०७८ कार्तिक २ गते
काठमाडौँ । सेयर बजार परिसूचक नेप्सेमा मंगलबार पनि दोहोरो अंकको गिरावट आएको छ । सोमबार ६९ अंकले घटेको सेयर बजार मंगलबार ७७ अंकले ओरालो लागेको हो ।
मंगलबार शुरूदेखि नै घटेको नेप्से दिउँसो १०५ अंकले घटेको थियो । पछि केही सच्चिँदै ७७.३३ अंकले घटेर नेप्से २५१०.७३ बिन्दुमा थामिएको हो ।
मंगलबार जीवन बीमा सबैभन्दा धेरै ४२८ अंकले घट्यो । यस्तै निर्जीवन बीमा समूह ३१४ अंकले घट्यो । यसैगरी, विकास बैंक समूह १९४, उत्पादनमूलक समूह १७५, लघुवित्त समूह १३५, जलविद्युत् समूह ११७, वित्त समूह ११२ अंकले र वाणिज्य बैंक समूह ५१ अंकले घटेको हो ।
मंगलबार कारोबार रकम पनि घटेको छ । यो दिन तीन अर्ब ७८ करोड रुपैयाँको कारोबार भएको नेपाल स्टक एक्सचेन्जले जनाएको छ ।
मकालु खबर
२०७८ कार्तिक २ गते
प्रतिक्रिया
सम्बन्धित