धनगढीको केजी अस्पतालमा ६ महिने शिशुको मृत्यु, डाक्टरले लापरबाही गरेको आरोप
मकालु खबर
२०७८ असोज १५ गते
धनगढी । धनगढीस्थित केजी अस्पतालमा एक ६ महिने शिशुको मृत्यु भएको छ ।
डोटीको दिपायल सिलगढी नगरपालिका- ७ का विष्णु विकका ६ महिने शिशु सायलको उपचारका क्रममा शुक्रबार बिहान मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक प्रतिक विष्टले जानकारी दिए ।
मृतकका आफन्तले चिकित्सकको लापरबाहीका कारण शिशुको मृत्यु भएको आरोप लगाएका छन् । उनीहरूले अस्पतालमा भएको लापरबाहीमाथि छानबिन गरी दोषीलाई कारबाहीको माग गरेका छन् ।
बिरामी भएपछि डोटीको महाकाली मेडिकलमा लगिएका शिशुमा अक्सिजनको अभाव देखिएपछि धनगढी रेफर गरिएको थियो । शिशुमा निमोनिया देखिएपछि ९ गतेदेखि केजी अस्पतालमा उपचार भइरहेको थियो । अहिले अस्पतालमा प्रहरी परिचालन गरिएको छ ।
मकालु खबर
२०७८ असोज १५ गते
प्रतिक्रिया
सम्बन्धित