नेपालका परराष्ट्रमन्त्रीसँग सहकार्य गर्न प्रतीक्षारत छु : जयशंकर
मकालु खबर
२०७८ असोज ७ गते
काठमाडाैँ । नेपालको परराष्ट्रमन्त्रीमा डा. नारायण खड्का नियुक्त भएकामा भारतका विदेशमन्त्री एस जयशंकरले बधाई ज्ञापन गरेका छन् । सामाजिक सञ्जालमार्फत भारतका विदेशमन्त्रीले खड्कालाई बधाई दिँदै उनीसँग सहकार्यका लागि आफू प्रतीक्षारत रहेको बताएका छन् ।
यसैबीच परराष्ट्रमन्त्री खड्का र भारतका विदेशमन्त्रीबीच न्युयोर्कमा भेटवार्ता हुने सम्भावना रहेको छ । संयुक्त राष्ट्रसंघको ७६औं महासभामा भाग लिने क्रममा भारतका विदेशमन्त्री पनि हाल न्यूयोर्कमा छन् भने नेपालका परराष्ट्रमन्त्री पनि न्युयोर्क पुग्दैछन् ।
दक्षिण एसियाली क्षेत्रीय सहयोग संगठन (सार्क) को वर्तमान अध्यक्ष नेपालले महासभाका सन्दर्भमा आयोजना गर्दै आएको सार्क मुलुकका परराष्ट्रमन्त्रीको अनौपचारिक बैठक भने यसपटक स्थगित गरिएको छ । अफगानिस्तानको पछिल्लो घटनाक्रमका कारण बैठक स्थगित गरिएको हो ।
मकालु खबर
२०७८ असोज ७ गते
प्रतिक्रिया
सम्बन्धित