संविधान दिवसमा कास्की कारागारका २० जनाको कैद छुट
मकालु खबर
२०७८ असोज ३ गते
पोखरा । संविधान दिवसमा कास्की कारागारका २० जनाले जेलजीवनबाट छुटकारा पाएका छन् । दुई महिला र १८ पुरुषसहित २० जनालाई कैद छुट दिइएको कास्की कारागार प्रमुख काजीमान सुनारले जानकारी दिए ।
उनका अनुसार अधिकांश चोरी र कर्तव्य ज्यानमा कैद सजाय भोगिरहेका छन् । त्यसबाहेक सवारी ज्यान र हातहतियार मुद्दामा जेल परेकाहरूले पनि छुट पाएका छन् ।
२०७५ भदौ १ भन्दा अघि बारदात भएकाहरूलाई छुट दिइएको हो । अब कास्की कारागारमा ८ सय ७९ जना कैदीबन्दी छन् । कारागारको क्षमता ४ सय २० जनाको भए पनि कोचेर राख्नुपरेको सुनारले सुनाए । देशभरबाट ८ जनाले आममाफी पाएका छन् ।
मकालु खबर
२०७८ असोज ३ गते
प्रतिक्रिया
सम्बन्धित