युनिलिभरले ६५० प्रतिशत लाभांश दिने
मकालु खबर २०७८ भदौ २२ गते
काठमाडौं । युनिलिभर नेपाल लिमिटेडले आफ्ना सेयरधनीलाई ६५० प्रतिशतका दरले लाभाशं वितरण गर्ने भएको छ ।
गत आर्थिक वर्ष २०७७/७८ को नाफाबाट लाभांश दिने घोषणा गरेको हो । कम्पनीको सोमबार बसेको सञ्चालक समिति बैठकले लाभांश पारित गरेको हो ।
उक्त निर्णय अनुसार युनिलिभर नेपालको १ कित्ता सेयर हुने सेयरधनीले ६ सय ५० रुपैयाँका दरले नगद लाभांश प्राप्त गर्ने छन् ।
आगामी साधारणसभाले उक्त लाभांश पारित गर्नुपर्ने छ ।
लाभांश वितरणका लागि कम्पनीले असोज २५ गतेदेखि बुक क्लोज गर्ने निर्णय गरेको छ । यो असोज २४ गतेसम्म कायम सेयरधनीले उक्त लाभांश प्राप्त गर्ने छन् ।
साधारणसभा भएको ४५ दिनभित्र लाभांश वितरण गरिसक्ने कम्पनीले जनाएको छ ।
मकालु खबर २०७८ भदौ २२ गते
प्रतिक्रिया
सम्बन्धित
