नेप्से ५० अकंले घट्यो, कारोबार रकम साढे ९ अर्बमा सीमित

काठमाडौँ । साताको अन्तिम कारोबारको दिन बिहीबार सेयर बजार परिसूचक (नेप्से) ५०.१३ अंकले घटेको छ ।

यस दिन कारोबारको अन्तिमसम्ममा नेप्से परिसूचक १.६८ प्रतिशतले घटेर २९२६.८९ बिन्दुमा पुगेको छ । सेन्सेटिभ परिसूचक भने ८.९० अंकले घटेर ५४१.७७ बिन्दुमा पुगेको छ ।

यस दिन कारोबारमा आएका १३ वटा उपसमूहमध्ये सबै उपसमूहको सूचक घटेका छन् ।

त्यस्तै, २ सय ३० कम्पनीका १ करोड ८१ लाख ९ हजार ९ सय ६७ कित्ता सेयर खरिदबिक्री हुँदा ९ अर्ब ५० करोड ५९ लाख ७० हजार ८ सय २२ रुपैयाँको खरिद बिक्री भएको छ ।

यस दिन सानिमा लाइफ इन्स्योरेन्स लिमिटेडको सेयर मूल्य १० प्रतिशतले र मनकामना स्मार्ट लघुवित्त वित्तिय संस्था लिमिटेडको सेयरमुल्य झण्डै १० प्रतिशतले बढेको छ ।