यसरी मनाए राजेश हमालले जन्मदिन (भिडिओसहित)

काठमाडौं । हिजो महानायक राजेश हमालको जन्मदिन । यस वर्ष उनले विशेष रूपमा जन्मदिन मनाएका छन् । उनले धेरै वटा केक काटेर जन्मदिन मनाए । आफन्तसँग मात्रै नभएर उनले धरहरामा पुगेर समेत जन्मदिन मनाए । उनले करिब आधा दर्जन केक काटेका थिए ।

धरहरा पुगेका राजेशले त्यहाँका कामदारहरूप्रति सम्मान व्यक्त गर्दै त्यहाँ समेत जन्मदिनको केक काटे । बिसौँ तलामा उनले श्रीमती मधु भट्टराईको साथमा केक काटेका थिए । धरहरा निर्माण सम्पन्न नभएकाले लकडाउनको समयमा समेत काम निरन्तर चलिरहेको छ ।

यही कामको सम्मानार्थ उनी जन्मदिन मनाउन त्यहाँ पुगेका थिए । सुन्दर काठमाडौंको दृश्यावलोकन गर्दै उनी दङ्ग देखिन्थे ।

अनुहारमा मास्क र फेससिल्डसहित बिहानै मन्दिर दर्शन गरेपछि उनले केही स्थानमा राहतसमेत वितरण गरेका थिए ।

प्रतिक्रिया

Leave a Reply

Your email address will not be published. Required fields are marked *