म्यानचेस्टर सिटी च्याम्पियन्स लिगको फाइनलमा
मकालु खबर
काठमाडौँ । म्यानचेस्टर सिटी पहिलो पटक यूईएफए च्याम्पियन्स लिगको फाइनलमा पुगेको छ । गएराती सम्पन्न सेमिफाइनलको दोस्रो लिगमा फ्रेन्च क्लब पिएसजीलाई २-० गोल अन्तरले पराजित गर्दै म्यानचेस्टर सिटीले समग्रमा ४-१ गोल अन्तरको जित हासिल गर्दै फाइनलमा पुगेको हो ।
सिटीको जितमा रियाद महरेजले दुवै गोल गरेका थिए । महरेजले खेलको ११औं र ६३औं मिनेटमा गोल गरेका थिए । त्यस्तै खेलको ६९औं मिनेटमा पिएसजीका एन्जल डि मारियाले रातो कार्ड पाएपछि पिएसजी १० खेलाडीमा सिमित भएको थियो ।
अब म्यानचेस्टर सिटीले च्याम्पियन्स लिगको फाइनलमा चेल्सी र रियल म्याड्रिडबीचको विजेतासँग खेल्नेछ । दुवै पहिलो लिगमा १-१ को बराबरीमा छन् भने दोस्रो लिग आजराती खेल्दै छन् । फाइनल खेल टर्कीको इस्तानबुलमा मे २९ मा हुनेछ ।
WHAT A NIGHT! Get all the full-time reaction from the studio! 🤩
Get involved using #WNRH 💬
🔷 #ManCity | https://t.co/axa0klD5re https://t.co/XnbgwavsIY
— Manchester City (@ManCity) May 4, 2021
मकालु खबर
