आफ्नै श्रीमतीको हत्या गरेको अभियोगमा पक्राउ
मकालु खबर
२०७७ चैत ३१ गते
काठमाडौं । आफ्नै श्रीमतीको हत्या गरेको आरोपमा प्रहरीले एक जनालाई प्रकाउ गरेको छ ।
प्रहरीले आफ्नै ३२ वर्षीया श्रीमती लक्ष्मी बिसीको कुटपिट गरी हत्या गरेको अभियोगमा बैजनाथ गाउँपालिका-३ उत्तरलधौरा बस्ने ४२ वर्षीय चक्र बहादुर बुढालाई पक्राउ गरेको जनाएको छ ।
चक्र बहादुरले घरायसी विवाद कारण लक्ष्मीलाई कुटपिट गर्दा गम्भीर घाइते भएको भन्ने खबर प्राप्त हुनासाथ ईलाका प्रहरी कार्यालय कोहलपुरबाट खटिएको प्रहरीले कुटपिटमा संलग्न उनलाई पक्राउ गरेको जनाएको छ ।
प्रहरीका अनुसार कुटपिटबाट गम्भीर घाइते भएकी लक्ष्मीको मेडिकल कलेज कोहलपुरमा उपचारको क्रममा मृत्यु भएको हो ।यस सम्बन्धमा प्रहरीले थप अनुसन्धान गरिरहेको छ ।
मकालु खबर
२०७७ चैत ३१ गते
प्रतिक्रिया
सम्बन्धित