भारतकी मिताली बनिन् वन डे क्रिकेटमा सात हजार रन बनाउने पहिलो महिला क्रिकेटर

एजेन्सी । भारतीय महिला क्रिकेट टिमकी कप्तान मिताली राज एकदिवसीय क्रिकेटमा सात हजार रन बनाउने पहिलो महिला क्रिकेटर बनेकी छिन् ।

लखनउमा भइरहेको दक्षिण अफ्रिकासँगको  चौथो एकदिवसीय क्रिकेटमा ४५ रन बनाएकी ३८ वर्षीया मितालीले याे कीर्तिमान बनाएकी हुन् ।

याे उनकाे खेल जीवनकाे २३१ औं एकदिवसीय क्रिकेट हाे । आजको खेलमा उनले ७१  बलमा ४ चौकासहित ४५ रन बनाइन् ।

मिताली अन्तर्राष्ट्रिय क्रिकेटमा १० हजार रन पूरा गर्ने दोस्रो महिला क्रिकेटर पनि हुन् । उनी अघि इंग्ल्यान्डकी शारलाट एडवडर्सले १० हजार रन पूरा गरेकी थिइन् ।