सलकपुरमा नोबेलको निःशुल्क स्वास्थ्य शिविर

मोरङ । नोबेल शिक्षण अस्पतालले मोरङको सुन्दरहरैंचा नगरपालिका-८ सलकपुरमा एक दिने निःशुल्क स्वास्थ्य शिविर सञ्चालन गरेको छ । स्थानीय ब्राइट फ्यूचर स्कूलमा आयोजना गरिएको स्वास्थ्य शिविरमा ७४८ जनाको निःशुल्क उपचार गरिएको नोबेल अस्पतालले जनाएको छ ।शिविरमा ३२० जनाको ल्याव टेष्ट, २१३ जनाको भिडियो एक्सरे र ४७ जनाको ईसीजी गरिएको नोबेल अस्पतालका सिनियर मार्केटिङ म्यानेजर भगत शाहले जानकारी दिए । उनका अनुसार शिविरमा पाठेघरको समस्या, सुगर, प्रेसर र दाँतको समस्या भएका बिरामी बढी आएका थिए ।ग्रामीण क्षेत्रका विपन्न बिरामीलाई निःशुल्क उपचार गर्ने उद्धेश्यले नोबेल अस्पतालले वर्षै अघिदेखि पूर्वी नेपालका गाउँ-गाउँमा निःशुल्क स्वास्थ्य शिविर सञ्चालन गर्दै आएको छ । आगामी मंगलबार पनि सुनसरीको झुम्कामा शिविर सञ्चालन गरिने नोबेल अस्पतालले जनाएको छ ।