प्रधानमन्त्रीले देशवासीको नाममा सम्बोधन गर्ने

काठमाडौं । प्रधानमन्त्री केपी शर्मा ओलीले देशवासीको नाममा सम्बोधन गर्ने भएका छन् ।

उनका प्रेस सल्लाहकार सूर्य थापाले दिएको जानकारीअनुसार ओलीले दिउँसो ३ बजे बालुवाटारबाटै ओलीले देशवासीको नाममा सम्बोधन गर्ने भएका हुन् ।

उनको सम्बोधन नेपाल टेलिभिजनबाट प्रत्यक्ष प्रसारण हुनेसमेत थापाले बताएका छन् । उनले भनेका छन्, ‘सम्माननीय प्रधानमन्त्रीज्यूले देशवासीका नाममा सम्बोधन गर्नुहुने भएको छ । उहाँले दिउँसो तीन बजे बालुवाटारबाटै सम्बोधन गर्नुहुनेछ । जुन, नेपाल टेलिभिजनबाट प्रत्यक्ष प्रसारण हुन्छ ।’

यसअघि प्रधानमन्त्री ओलीले आइतबार प्रतिनिधि सभा विघटन गरेका थिए । त्यसपछि आज बिहान आफू निकटका सांसदहरुसँग छलफल गरेका छन् ।