‘नेकपा विवादले लोकतन्त्रलाई असर गर्‍यो’

काठमाडौं । नेपाली कांग्रेसका नेता डा. शेखर कोइरालाले कांग्रेस चुनाव लड्न नडराउने बताएका छन् ।

विराटनगरको एक कार्यक्रमलाई सम्बोधन गर्दै नेता कोइरालाले भनेका छन्, ‘कांग्रेस चुनावसँग डराउँदैन । तर, यो कदम असंवैधानिक छ ।’

संसद विघटनको सिफारिस राष्ट्रपति कार्यालय पु्र्याइनु अलोकतान्त्रिक भएको टिप्पणी गरेका नेता कोइरालाले नेकपाको आन्तरिक विवादले लोकतन्त्रलाई असर गरेको पनि बताएका छन् ।

आजको दिन लोकतन्त्रको लागि कालो दिन भएको प्रतिक्रिया दिँदै नेता कोइरालाले पार्टीको केन्द्रीय समिति बैठक बसेर बाँकी निर्णय गर्ने बताएका छन् ।