संसद विघटनको सिफारिसहित ओली शीतल निवासमा

काठमाडौं । संसद विघटनको सिफारिस लिएर प्रधानमन्त्री केपी शर्मा ओली राष्ट्रपति निवास शीतल निवास पुगेका छन् ।

आइतबार बिहान आकस्मिक मन्त्रिपरिषद् बैठक बोलाएर संसद विघटनको सिफारिस राष्ट्रपति विद्यादेवी भण्डारीसमक्ष पठाउने निर्णय गराएका ओली शीतल निवास पुगेका हुन् ।

राष्ट्रपतिको सिफारिसअनुसार संसद विघटन भएमा प्रतिनिधि सभा भङ्ग हुनेछ ।

यता नेकपाको ओली इतर पक्षले भने सर्वाेच्च अदालतमा मुद्दा दायर गर्ने तयारीसमेत गरिरहेको बुझिएको छ ।