काभ्रेमा आगलागी हुँदा तीन घरपरिवारको बिचल्ली
मकालु खबर
२०७७ कार्तिक ८ गते
बनेपा । काभ्रेपलाञ्चोकको बेथानचोक गाउँपालिका वडा नं ४ पटगाउँबेंसीमा आज बिहान विद्युत् चुही आगलागी हुँदा तीन घरपरिवारको घरसहित सबै सामान नष्ट भएको छ ।
स्थानीयवासी श्याम तामाङ, बुद्ध तामाङ र सुरेश तामाङको ढुङ्गामाटाको तीनतले घरमा आगलागी हुँदा नगद, गरगहना, लत्ताकपडा र अन्नपात सबै जलेको छ ।
स्थानीय बासिन्दा सङ्ग्राम तामाङका अनुसार बिचल्लीमा परेका उनीहरुलाई छिमेकीको सहयोगमा बसोबासको व्यवस्था मिलाइएको छ । सुरेशका घरबाट आगलागी शुरु भएको जनाइएको छ ।
वडाध्यक्ष लालबहादुर श्रेष्ठले तीन घरपरिवारको बसाइ व्यवस्थापनमा वडा कार्यालयले सहजीकरण गरिरहेको बताए । ‘अन्नपात सबै जलेर नष्ट भएका कारण हामीले तत्कालका लागि खाद्यान्न र त्रिपालको व्यवस्थापन गरेका छौंँ ।’ रासस
मकालु खबर
२०७७ कार्तिक ८ गते
प्रतिक्रिया
सम्बन्धित