मन्त्रिपरिषद् पुनर्गठन हुने पक्का, प्रधानमन्त्रीले दिए यी तीन विकल्प
मकालु खबर
२०७७ असोज ४ गते
काठमाडौं । केपी शर्मा ओली नेतृत्वको मन्त्रिपरिषद् पुनर्गठन हुने पक्का भएको छ ।
आइतबार (आज) पेरिसडाँडास्थित जनसंगठनको कार्यालयमा बसेको नेकपा सचिवालय बैठकमा प्रधानमन्त्री ओलीले तीन विकल्प दिएसँगै मन्त्रिपरिषद् पुनर्गठन हुने पक्का भएको हो ।
प्रधानमन्त्री ओलीले सबै मन्त्री हटाउने, शुरुमा मन्त्री भएकाहरुलाई र केही मन्त्री हटाउने र केहीलाई निरन्तरता दिने गरी तीन वटा विकल्प बैठकमा राखेका छन् ।
बैठकमा कार्यकारी अध्यक्ष पुष्पकमल दाहाल ‘प्रचण्ड’सहित अधिकांश सचिवाल सदस्यहरुले भने सबै मन्त्रीलाई एकसाथ हटाउन नहुने धारणा राखेका थिए ।
एक सचिवालय सदस्यका अनुसार बैठकमा कुरा भएमुताबिक पुनर्गठन र सबै मन्त्री हट्ने छैनन् । यद्यपि मन्त्रीको नामबारे भने छलफल हुन बाँकी छ ।
मन्त्री छनोटका लागि दुई अध्यक्षका साथै सचिवालय सदस्यहरुसँग छलफल हुने बताइएको छ ।
मकालु खबर
२०७७ असोज ४ गते
प्रतिक्रिया
सम्बन्धित