विराटनगरमा कोरोना : थप एकको मृत्यु, मृतकको संख्या ११ पुग्यो
मकालु खबर
२०७७ भदौ १० गते
विराटनगर । विराटनगरमा कोरोना संक्रमणबाट थप एक महिलाको मृत्यु भएको छ ।
विराटनगर महानगरपालिका– ११ की ४४ वर्षीया महिलाको विराट मेडिकल कलेज तथा शिक्षण अस्पतालमा उपचारको क्रममा गएराति मृत्यु भएको हो ।
स्वास्थ्यमा समस्या आएपछि मंगलबार दिउँसो अस्पताल भर्ना भएकी महिलाको उपचारको क्रममा मृत्यु भएको अस्पतालका प्रशासन प्रमुख सुधीर सिंह राठौरले मकालु खबरलाई जानकारी दिए ।
प्रमुख राठौरका अनुसार संक्रमित महिलालाई श्वासप्रश्वसमा समस्या देखिएको थियो भने उनको हिजो बेलुका नै कोशी अस्पतालमा जाँच गर्दा कोरोना पोजेटिभ देखिएको थियो ।
अस्पताल श्रोतका अनुसार संक्रमित महिलालाई निमोनिया देखिएको थियो । विराटनगरमा हालसम्म ११ जनाको मृत्यु भइसकेको प्रदेश नं. १ को सामाजिक विकास मन्त्रालयले जनाएको छ ।
मकालु खबर
२०७७ भदौ १० गते
प्रतिक्रिया
सम्बन्धित